20131005 菠蘿山之行

很長時間沒有去新地方踩單車了，趁今個星期六有時間就決定到菠蘿山走一趟，路徑由良景村經舊軍用車路到下白泥去。

先到南昌乘西鐵到兆康站，之後踩到良景村去。入村路到學校之前會見到一路口上山﹝如下圖﹞

舊軍路由此路上

一開始頭段上斜真係唔係講笑，最斜大約有27%坡度，其餘頭段都去到20%左右。上到大約一半就無咁辛苦，係彎位比較斜(大約18%左右)，不過可以行外彎就會『輕鬆』一點。中途有山水供應，附近的居民都有到此取水，情況和飛鵝山道、沙田拗道類似。

上山之路

取水之地

差不多到頂就開始碎石路，直到山頂之前再上一段馬路就到今日的最高點了。

碎石路的開始

已到達最高點

正所謂上山『容易』落山難，日久失修的舊軍路根本就不能正常地落山，有些位置更有一個大洞呀、中間有深坑的情況出現，走了大約５分鐘左右就到今日的戲肉了。




尚可接受
 

呢個位踩唔到了，要落車推

之後就去到那個小小的峽谷了，入口處有危險勿進的告示牌，不過相信都無人因為咁而番轉頭吧了。

此路危險，不得進入

由於風雨侵蝕的關係，形成了這個位置好像有一個峽谷似的地方，要通過另一邊只有窄窄的一條路，不過小心點走過去是沒有問題的，不過上網看到有些師兄是用踩的走過去，實在是有點藝高人膽大了。

真係要小心D過

回頭望番轉頭

人和車都要休息一下

休息過後就要開始落斜了，軍路的盡頭會連接回稔灣路。落斜時有幾個位置都有地洞或者深坑，無辦法要用推的過去。

另一邊入口




衝衝下斜有咁大個洞都唔好話唔危險


 

全日最爽呢段，衝住落唔駛剎
 

個斜度都唔係講笑，遠處就係白泥
 

都唔係踩唔到既，危險少少姐

終於落到去稔灣道，先落去下白泥村補給一下，再回頭向流浮山方向回去天水圍。

中途有山火

下白泥村公所

補充下

例影

由良景村到流浮山玩了大概一個小時四十五分鐘左右，除左路比較爛之外，難度比紅花嶺和華山都要低，起碼上斜不用推車。