４月４日掃墓之後就回家取車出發想試踩好耐的觀坪路了，先由黃大仙聖母醫院出發，經沙田拗道上斜，到達法藏寺之後先飲啖水再上。不久就到中途站的士多了，食了個公仔面飲杯可樂就再上路了。
 |
| 觀坪路／觀音山村 |
終於都到觀坪路路口了，開始落斜了，初段路況還可以直落到觀音山村有個路口仔地上噴了沙田兩個字，跟符號方向行就是爛路的開始了。斜度大約是１：６左右吧，地面又爛，我只可以剎下剎下咁慢慢落去。
 |
| 落到一半了 |
落到一半就有個單車不准進入的牌，再落去就要有俾人捉既心理準備了。過了一段比較平的路又再次落斜了。
 |
| 路況 |
 |
| 斜度－３６％！ |
落到底就有幾舊石敢當係路口，應該是阻止人駕車上去的用途，再走前一點就是隧道管制範圍了，最後接駁回大老山隧道出口上的那條橋。
 |
| 石敢當 |
 |
| 大老山隧道口 |
通過大老山之後一落去就是小瀝源了，咁近水泉澳就上去走一轉。
 |
| 水泉頂 |
衝番落去就去今日第二個目標－穗禾路進發了。由於唔係好識路的原故，先兜遠少少由孖橋過河，再沿馬場旁的單車徑上火炭火車站再轉另一條單車徑入火炭巴士站。對上一次上穗禾的時候我還是在踩大行的ｅｃｏ，上到碧霞花園就崩潰了，今次是回來報仇的說。
 |
| 崩潰之地 |
今次唔駛崩潰之餘一腳上到路盡頭，上到頂之後唔少得出去獅子亭留影了。
 |
| 獅子亭 |
人家台灣車友一日雙塔，我就一日雙亭。
 |
| 盡覽沙田之景 |
 |
| 昔日崩潰之地 |
遊完穗禾之後就準備出番九龍了，今日唔想搭火車出去就試下踩大埔道。先經單車徑到大圍去，去到新強記跟上富山的路牌走，上了一小段斜之後見到大埔公路的路牌轉落去就是了。
 |
| 小心落斜 |
大埔道比想像中好踩，雖然一路都係暗斜上但係由於係雙線既關係都無咩壓迫感。一路踩直到九龍水塘金山郊野公園等地方，之前無經過過一定要影下相啦。
 |
| 九龍水塘旁有幾百米既ｏｆｆｒｏａｄ，不過係ｄｅａｄｅｎｄ |
 |
| 九龍水塘 |
 |
| 鷹巢山自然教育徑 |
再前少少就到金山郊野公園的路口，紅日４個６係唔入得的，單車就ｏｋ，路口有幾個漁農署的職員把守，問問金山路有咩睇，佢話３ｋｍ左右入到盡係掘頭路，我見一落去已經係水壩就忍唔住落去影相先了。
 |
| 排洪閘 |
 |
| 水壩 應該有ｄ角度影會再靚ｄ |
過左水壩就一路上山，大約有２ｋ左右既上山，當操下車啦。斜路頂有人路可以行上去環水塘一周不過單車就唔入得。之後就開始落斜了，其實都算係好俾架，路況又唔係好，不過落到一半無理由轉頭走人架嘛。
 |
| 差唔多到底了，有山路可以過城門水塘 |
 |
| 終於到底了，盡頭是一個迴旋處 |
車路的盡頭還有山路可以繼續行應該是可以走到荃灣去的，至於我就踩番出大埔道啦。上斜時有一段仔應該有１：６左右好彩唔係好長，左手邊有個路口入去是操炮區。
 |
| 走私嶺靶場 |
上番頂就一路落番２ｋ左右斜出番水壩，除了要留意途人之外最要小心的就是沿路都有不少猴子出波，不要太快小心撞到牠們。上番大埔道之後都開始落斜了，出到九龍靠左轉落去之後有個路口如果去九龍塘歌和老街方向靠左就ｏｋ了；不過如果要落深水土步嘉頓果邊就要小心龍翔道果邊過來的車了。今日旅程就由北九裁判處的相完結吧。
